وشكه‌ساڵی له ئێران به هۆی باران نه‌بارین و كه‌مبوونه‌وه‌ی سه‌رچاوه‌كانی ئاوه سه‌ریهه‌ڵداوه، به هۆی ئه‌وه‌ش كه ئاوی تۆڕه‌كان پیس و سوێرن، 245 كه‌س ژه‌هراوی بوون، هاووڵاتیانیش ناچارن به ته‌نكه‌ر ئاو بكڕن.
ئاژانسی هه‌واڵیی میهر-ی ئێران بڵاویكردۆته‌وه كه ١٨٠ كه‌س له گونده‌كانی كه‌بورتی، سه‌پهولن، باویج، ئیسلام ئاباد و شه‌هره‌كی شه‌هید رایگانی سه‌ر به شارۆچكه‌ی رامهورمز به هۆی پیس بوونی ئاوی خواردنه‌وه‌ی ژه‌هراوی بوون.
پێشتر سه‌رۆكی ناوه‌ندی به‌ڕێوه‌بردنی رووداوی پزیشكی به‌په‌له له خوزستان، شه‌هیار میرهێشتی ئاشكرای كردبوو كه ٦٥ كه‌س به هۆی ژه‌هراوی بوونیان به ئاوی خواردنه‌وه له شارۆچكه‌ی رامهورمز سه‌ردانی نه‌خۆشخانه‌یان كردووه.
ئه‌و وشكه‌ساڵییه‌ی له ئێران به هۆی باران نه‌بارین و كه‌مبوونه‌وه‌ی سه‌رچاوه‌كانی ئاوه‌وه، سه‌ریهه‌ڵداوه، رێگه بۆ قه‌یرانی نه‌بوونی ئاو خۆشده‌كات. به هۆی ئه‌وه‌ش كه ئاوی تۆڕه‌كان پیس و سوێره، هاووڵاتییان ناچارن به ته‌نكه‌ر ئاوی خواردنه‌وه بكڕن.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.