فه‌رمانده‌ی فه‌یله‌قی قودسی سوپای پاسدارانی ئێران و فه‌رمانده باڵاكانی سوپای پاسداران ، نۆژه‌نكردنه‌وه‌ی شوێنه پیرۆزه‌كانی شیعه له عێراق به‌سه‌ر ده‌كه‌نه‌وه.
حه‌سه‌ن بلارك، سه‌رۆكی لێژنه‌ی ئاوه‌دانكردنه‌وه‌ی شوێنه پیرۆزه‌كانی شیعه له عێراق به ئاژانسی هه‌واڵیی فه‌رمی ئێرنای ئێرانی راگه‌یاندووه: قاسم سلێمانی، فه‌رمانده‌ی فه‌یله‌قی قودسی سوپای پاسدارانی ئێران و فه‌رمانده باڵاكانی سوپای پاسداران سه‌ردانی پڕۆژه‌كانی لێژنه‌ی ئاوه‌دانكردنه‌وه‌ی كردووه كه له بواری نۆژه‌نكردنه‌وه‌ی شوێنه پیرۆزه‌كان كار ده‌كه‌ن.
گوتیشی: له ئێستادا لێژنه‌كه 20 پرۆژه‌ی نۆژه‌نكردنه‌وه‌ی شوێنه پیرۆزه‌كانی شیعه‌ی له عێراق له‌به‌رده‌ستدایه و له‌مساڵدا كاره‌كانی به كۆتا دێت.
هه‌روه‌ها سه‌رۆكه لێژنه‌كه ، سوپاسی ئه‌و هاوكارییانه‌ی گه‌لی ئێرانی كرد كه بۆ شوێنه پیرۆزه‌كانی شیعه له عێراق ته‌رخان كراوه.
ماوه‌یه‌كه له شاره‌كانی نه‌جه‌ف و كه‌ربه‌لا چه‌ند مه‌زارێكی ئایینی نۆژه‌ن ده‌كرێته‌وه، بۆ ئه‌وه‌ی له مه‌راسیمه‌كاندا پێشوازی له زۆرترین سه‌ردانیكه‌ر بكه‌ن.
ئاماده‌كردنی: رزگار
کۆمێنت (0)
تا ئێستا هیچ کۆمێنتێک نەکراوە.