له درێژه‌ی زنجیره كۆری ئه‌ده‌بی و رۆشنبیری خۆی كه هه‌فتانه ئه‌نجامی ده‌ده‌ات ، یه‌كێتی نووسه‌رانی كورد _ لقی هه‌ولێر كۆره شیعرێك بۆ شاعیری نوێخوازی خه‌ڵكی شاری سنه " شوعه‌یب میرزایی " رێكده‌خات .
بریاره رۆژی پێنجشه‌ممه رێكه‌وتی 21/6/2018 له هه‌ولێر كۆرێكی شیعری بۆ شاعیری ناسراوی رۆژهه‌ڵاتی كوردستان " شوعه‌یب میرزایی " سازبكرێت ، تێیدا ناوبراو وێرای خوێندنه‌وه‌ی ژماره‌یه‌ك ده‌قی شیعری خۆی هاوكات ده‌رباره‌ی پرۆسه‌ی شیعری نوێی كوردی باسێكی كورت پێشكه‌شده‌كات .
ئه‌م شاعیره له ساڵی 1984 له شاری سنه‌ی رۆژهه‌ڵاتی كوردستان له دایك بووه و هه‌ر ه ته‌مه‌نی 17 سالیدا ده‌ستی به كاری ئه‌ده‌بی كردووه و تاكو ئێستا دوو كتێبی شیعری به ناوه‌كانی " كراسێ نه‌ماوه دووریتی تیا نه‌گریم " و " گورگه‌كانی خانمی 1968 " به چاپگه‌یاندووه و " تارانه‌كانی ئه‌م پێسته ئێش ئه‌كا " تازه‌ترین كاری ئه‌م شاعیره‌یه كه ئێستا له ژێر چاپكردندایه .
کۆمێنت (0)
تا ئێستا هیچ کۆمێنتێک نەکراوە.