نوسینگه‌ى راگه‌یاندنى سه‌رۆكایه‌تى كۆمارى عێراق، بڵاویكرده‌وه، داوا لە لایەنە پەیوەندیدارەکان دەکات، بە کۆمیسۆنی باڵای سەربەخۆی هەڵبژاردنیشەوە، پابەندی تەواوی حوکمەکانی دەستور و یاسا پەیڕەوکراوەکانی تایبەت بەو پرسه بن.
هه‌روه‌ها ئاماژه‌ى به‌وه‌كردووه،"پێویستە رێوشوێنە ئوسوڵییەکان بگیرێتە بەر، کە قانون رێساکان دایان ناوە، سەبارەت بە پیاداچوونەوە بە تانە و نارەزاییەکان، و هەموو مەسەلەکانی پەیوەندیدار و پەیوەست بە هەڵبژاردنەکە".
هه‌روه‌ها ئه‌وه خراوه‌ته‌ڕوو"سەرۆک کۆمار، پەرۆشە بۆ گرتنەبەری هەمو رێوشوێنێکی پێویست بە مەبەستی پاراستنی سەلامەتیی پرۆسەی دیموکراسیی بەپێی حوکمەکانی دەستور و بەو جۆرەی بەرژەوەندیی باڵای نیشتمانیی وڵات دەپارێزرێت".
دوێنێ په‌ڕله‌مانى عێراق، بڕیاریدا به ژماردنه‌وه‌ى ده‌ستیى، سه‌دا ١٠ی کۆی دەنگەکان و هه‌روه‌ها ده‌نگدانى ده‌ره‌وه‌ى وڵات و ئاواره‌كانى ره‌تكرده‌وه، له‌گه‌ڵ چه‌ند وێستگه‌یه‌كى ده‌نگدانى تایبه‌ت.
کۆمێنت (0)
تا ئێستا هیچ کۆمێنتێک نەکراوە.