فیلمی كوردی " دیاب " له ده‌رهێنانی ده‌رهێنه‌ری كورد " مازن شیرابیانی " له ئه‌نجامی به‌شداریكردنی له فێستیڤاڵێكی جیهانیدا ، توانی خه‌ڵاتی باشترین فیلم به‌ده‌ستبهێنێت .
ئه‌م ده‌رهێنه‌ره ئاشكرایده‌كات ، نوێترین نمایشكردنی فیلمه‌كه‌ی له خولی 16ی فێستیڤاڵی " الامم والشعوبی النمسا " بوو كه له شاری " زالتسبورگ " له ولاتی وسترالیا به‌رێوه‌چوو ،له ئه‌نجامدا توانی ببێته براوه‌ی فێستیڤاله‌كه‌و خه‌ڵاتی باشترین فیلم به‌ده‌ستبهێنێت .
جێی ئاماژه‌یه فیلمی " دیاب " به‌شداری زیاتر له 110 فێستیڤاڵی نێوده‌وڵه‌تی كردووه و توانیویه‌تی 60 خه‌ڵاتی هه‌مه‌جۆر وه‌ربگرێت ، هه‌روه‌ها له وڵاته‌كانی " فه‌ره‌نسا ، ئه‌ڵمانیا و ئینگلته‌را " ژماره‌یه‌ك خه‌ڵاتی جۆراوجۆری به‌ده‌ستهێناوه .
کۆمێنت (0)
تا ئێستا هیچ کۆمێنتێک نەکراوە.