له ده‌رهێنان و نووسه‌ری ده‌رهێنه‌ری سینه‌مایی كورد " بافڵ سه‌رهه‌نگ " كورته فیلمی كوردی " ئامین " بۆ نماسشكردن له به‌شه جیاوازه‌كانی فێستیڤاڵی كانی جیهانی هاتۆته هه‌ڵبژاردن .
ئه‌م ده‌رهێنه‌ره كورده ئاشكرایده‌كات ، زۆر دڵخۆشه به‌وه‌ی فیلمه‌كه‌ی شانبه‌شانی فیلمی ده‌رهێنه‌رانی جیهانی بۆ به‌شداریكردن له فێستیڤاڵی جیهانی كان له وڵاتی فه‌ره‌نسا له به‌شی short corner بۆ نمایشكردن هه‌ڵبژێردراوه .
چیرۆكی ئه‌م فیلمه باس دڵخۆشی دو گه‌نج ده‌كات ، كاتێك له وڵاته‌كه‌یان ئاواره ده‌بن و ده‌گه‌ن به ئه‌ورووپا و له وڵاتی هۆله‌ندا نیشته‌جێ ده‌بن ،به هۆی سه‌ختی ژیان و گوزه‌ران و ده‌ست نه‌كه‌وتنی كار ، تێكه‌ڵ به خه‌ڵكی توندره‌و ده‌بن و بیرباوه‌ریان ده‌گۆرێت و به‌ره تیرۆر هه‌نگاو ده‌نێن .
ئه‌م فیلمه له ده‌رهێنان و نووسینی " بافڵ سه‌رهه‌نگ " ه له ستۆدیۆی یاد میدیا له هۆله‌ندا وه‌ك یه‌كه‌م كورته فیلمی كوردی به‌رهه‌مهێنراوه و ژماره‌یه‌ك له ئه‌كته‌ری ناوداری هۆله‌ندی وه‌ك ( مایكل كۆنینگس و سۆهراب بایات ) به‌شداریان تێیدا كردووه .
ئه‌و فێستیڤاڵه كۆنترین فێستیڤاڵى تایبه‌ت به‌فیلمه و له ساڵى 1946ه‌وه به‌به‌رده‌وامى ساز ده‌كرێت،ئه‌و خوله‌ى خولى 71یه‌تى و له شارى كان ساز ده‌كرێت له فڕه‌نسا. جیاواز له ساڵانی دیكه ئه‌مساڵ به نمایشكردنی everybody knows فیلمی ی ده‌رهێنه‌ری ئێرانی " ئه‌سغه‌ر فه‌رهادی " نمایشه‌كانی ده‌ستی پێكرد .
کۆمێنت (0)
تا ئێستا هیچ کۆمێنتێک نەکراوە.