له‌یاری گه‌ڕانه‌وه له‌قۆناغى پێش كۆتایی خولى یانه پاڵه‌وانه‌كانى ئه‌وروپا ، ریال مه‌درید له‌به‌رامبه‌ر بایرن دووچارى یه‌كسان بوون ده‌بێت به‌ئه‌نجامى دووگۆل بۆ هه‌ردوولا ، یانه مه‌دریدیه‌كه به‌سود بینین له‌یاری چوون خۆی گه‌یانده یاری كۆتایی چامپیۆنس لیگ .
له‌دوای یاریه‌كه زێدان راهێنه‌رى ریال مه‌درید به‌م شێوه‌یه له‌كۆنگره‌یه‌كى ڕۆژنامه‌وانیدا بۆ ڕۆژنامه‌نووسان دوا :
ئێمه له‌تایمى یه‌كه‌م ئاستمان باش نه‌بوو ، به‌ڵام تایمى دووه‌م باشتر بووین له‌تایمى یه‌كه‌م ، گه‌ر له‌چامپیۆنس لیگ دووچار گرفت و كێشه نه‌بی ناتوانی سه‌ركه‌وتن به‌ده‌ست بهێنى ئه‌وه‌ى به‌سه‌ر ئێمه‌دا هات ، دووچارى ناڕه‌حه‌تى كردین ده‌بوو باشتر یاریمان بكردبا ئه‌و مه‌ترسیه كه‌متربا له‌سه‌رمان
زێدان : من سوپاسى كه‌ریم بنزیما ده‌كه‌م كه‌له‌ڕۆژى خۆیدا بوو بۆمان ، ئه‌و دووگۆله‌ى تۆمارى كرد كارێكى گه‌وره بوو بۆ ریال مه‌دریدى ئه‌نجامدا ، وه‌من سوپاسى ناڤاسى گۆلپارێزیش ده‌كه‌م كه ئاستێكى به‌رزى نیشاندا ، بۆمان خاڵێك بوو له‌سه‌ركه‌وتنمان بۆ یاری كۆتایی چامپیۆنس لیگ
زێدان له‌به‌شێكى دیكه‌ى وته‌كانى ڕایگه‌یاند : وه‌ك ریال مه‌درید بڕواى ته‌واو به‌خۆمان هه‌یه ، هیچ كات خۆمان به‌ده‌سته‌وه ناده‌ین تا نه‌گه‌ین به‌ئامانجى خۆمان
له‌كۆتادا زێدان ڕایگه‌یاند : سوپاسى ته‌واوى یاریزانان ده‌كه‌م سه‌رجه‌میان باش بوون له‌یاریه‌كه به‌و خۆڕاگری و سه‌ركه‌وتنه‌ى به‌ده‌ستمان هێنا له‌گه‌یشتنمان به‌یاری كۆتایی بۆ جاری سێیه‌م
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.