به گوێره‌ی دوایین ریزبه‌ندی كه له نێو ده‌رهێنه‌رانی هۆلیود ئه‌نجامدراوه ، ده‌ركه‌وتووه له مێڤووی سینه‌مای هۆلیۆد ده‌رهێنه‌ری ناسراوی هۆلیۆد ( ستیڤن سپیلبێرگ ) زۆرترین داهاتی به‌ده‌ستهێناوه .
له هه‌واڵێكی ماڵپه‌ری ( زه راپ ) هاتووه تێكرای ئه‌و داهاته‌ی كه ( ستیڤن سپیلبێرگ ) له كۆی فیلمه‌كانی به‌ده‌ستی هێناوه گه‌یشتۆته 10 ملیار دۆلاری ئه‌مریكی ، هه‌روه‌ها نووسیویه‌تی ، یه‌كێك لەو فیلمانەی كە لەلایەن " ستیڤن " ه وه كراوە فیلمی ( 1993 جوراسیك پارك ) داهاته‌كه‌ی گه‌یشتۆته ( 983.8) ملیۆن دۆلاری ئه‌مریكی ، به‌به‌راورد له‌گه‌ل فیلمه‌كانی دیكه‌ی ئه‌م ده‌رهێنه‌ره زۆرترین داهاتی هه‌بووه .
ئه‌م ده‌رهێنه‌ره سینه‌ماییه له مێژووی هۆلۆد خاوه‌نی ژماره‌یه‌ك فیلمی به‌ناوبانگی وه‌ك ( قرش ، ئای تی و ئه‌ندیانا جۆنز ) ه‌یه ، دوایین كاری هونه‌ری ( ستیڤن ) بریتتیه له فیلمی " رێدی پله‌یه وه‌ن " كه داهاته‌كه‌ی گه‌یشته 475 ملیۆن دۆلاری ئه‌مریكی .
کۆمێنت (0)
تا ئێستا هیچ کۆمێنتێک نەکراوە.