له دیدارێكی راوێژکاری ئەنجوومەنی ئاسایشی هەرێم و شاندێكی ئه‌مریكا، رەوشی ناوچەکە و پەیوەندییەکانی ئەمەریکا و هەرێمی کوردستان لە بواری جیاجیادا تاوتوێ کران.
ئەمرۆ مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە جەنەرال پاول فانک و شاندی یاوەری کە پێکهاتەیەکی دیپلوماسی و سەربازی بوو کرد.
لەم دیدارەدا دوا رەوشی ناوچەکە و پەیوەندییەکانی ئەمەریکا و هەرێمی کوردستان لە بواری جیاجیادا تاوتوێ کران.
لە میانەی دانیشتنەکەدا شاندی ئەمەریکی دووپاتیان کردەوە کە وەک کیانێکی دەستووری پشتگیری لە هەرێمی کوردستانێکی بەهێز و یەکگرتوو دەکەن و خوازیارن پەیوەندییەکانیان لە گەڵ هەرێمی فراوانتر و بەهێزتر ببێت.
لە بارەی مەترسییەکانی سەرهەڵدانەوەی کردەوە تیرۆریستیەکان، شاندی ئەمەریکی پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقیەکان دووبارە کردەوە و رایانگەیاند کە خوازیارن ئەو هەماهەنگیانە لە گشت ناوچەکان پەرەیان پێ بدرێت.
لە بەرامبەردا مەسرور بارزانی جەختی لە سەر پێویستیی هاوکاریی هەمە لایەنە کردەوە تاکو هەرچی زووتر زەمینەی لەبار بۆ ئاسایی کردنەوەی دۆخەکە برەخسێت و بە چارەسەریی کێشە سیاسی و ئیداری و دەستووریەکان هۆکارەکانی سەرهەڵدانەوەی توندوتیژی بنبڕبکرێن.
کۆمێنت (0)
تا ئێستا هیچ کۆمێنتێک نەکراوە.