مو‌قته‌دا سه‌در بیرۆکه‌ی زۆرینه‌ی سیاسی ڕه‌ت ده‌کاته‌وه‌

موقته‌دا سه‌در سه‌رۆكی ڕه‌وتی سه‌در بیرۆكه‌ی زۆرینه‌ی سیاسی ڕه‌تكرده‌وه‌و گوتی ئێسته‌ له‌گه‌ڵ ئه‌م بیرۆكه‌یه‌دا نییه‌.

ئه‌و قسانه‌ی موقته‌دا سه‌در له‌كاتێكدا بوو كه‌ وه‌ڵامی پرسیارێكی ده‌زگاكانی راگه‌یاندن  ده‌دایه‌وه‌ و له‌و باره‌وه‌ كه‌ ڕه‌نگه‌ كه‌سانی گه‌نده‌ڵكار بچنه‌ ناو ئه‌و زۆرینه‌ سیاسییه‌وه‌. هه‌ڵبه‌ت لای خۆیه‌وه‌ حه‌یده‌ر عه‌بادی سه‌رۆك وه‌زیرانی عیراق ڕایگه‌یاندبوو كه‌ له‌گه‌ڵ زۆرینه‌ی سیاسیدا نییه‌ كه‌ ڕای به‌انبه‌ر و لایه‌نی به‌رانبه‌ر دوورده‌خاته‌وه‌و ئیمتیازی تاكه‌ كه‌سی و تاكه‌ لایه‌نی لێ ده‌كه‌وێته‌وه‌و داوای ته‌وافوقی سیاسی كرد به‌ شێوه‌یه‌ك به‌رژه‌وه‌ندییه‌كانی وڵات ڕه‌چاو بكات، كه‌چی نووری مالكی جێگری سه‌رۆك كۆمار به‌رده‌وام داوای حكوومه‌تێكی زۆرینه‌ی سیاسی ده‌كات .