توركیا به داگیركردنی شاری عه‌فرین ده‌یه‌وێ په‌یماننامه‌ی لۆزان زیندوو بكاته‌وه‌و شاری موسڵ بخاته ژێر ركیفی خۆی.
رۆژنامه‌ی فرانكفۆرتی ئه‌ڵمانی له راپۆرتێكیدا كه ئه‌مرۆ شه‌ممه بڵاوكراوه‌ته‌وه هۆشداری ده‌دات له‌ئه‌گه‌ری كه‌وتنی عه‌فرین و رایده‌گه‌ێنێ، ئه‌گه‌ر ئه‌و شاره بكه‌وێته ده‌ستی سوپای توركیا و گرووپه چه‌كداره‌كانی سه‌ر به ئه‌و وڵاته، ئه‌وا ده‌بێته نسكۆیه‌ك له خه‌بات كردن له پێناو رۆژهه‌ڵاتێكی باشتر،چونكه عه‌فرین له ساڵی 2003 وه وه‌ك شارێكی دیموكراتی به‌رێوه‌چووه.
رۆژنامه ئه‌وه‌شی نووسیوه و ده‌ڵێ: ره‌جه‌ب ته‌یب ئه‌ردۆگان ده‌یه‌وێ په‌یماننامه‌ی لۆزان زیندوو بكاته‌وه‌و شاری موسڵ بخاته ژێر ركیفی خۆی.
هه‌ر له‌درێژه‌ی راپۆرتی رۆژنامه‌كدا هاتووه: له‌گه‌ڵ گه‌مارۆدانی عه‌فرین له لایه‌ن سوپای توركیاوه، ئه‌وه ده‌رده‌كه‌وێ كه هاوپه‌یمانی ناتۆ ئه‌م كێشه‌یه‌ی پشتگوێ خستووه،چونكه ناوچه‌كه نموونه‌یه‌ك بووه له فره‌یی و یه‌كسانی، ئه‌مه‌ش ئه‌وه‌مان پێ ده‌ڵێ كه كورد ئێستاكه به‌ته‌نیا ماوه‌ته‌وه.
ئاماده‌كردن: رزگار
کۆمێنت (0)
تا ئێستا هیچ کۆمێنتێک نەکراوە.