سبه‌ى یه‌ك شه‌ممه كاتژمێر 10:45 خوله‌ك به‌كاتى هه‌ولێر، له‌میانى به‌ڕێوه‌چوونى یارییه‌كانى ئه‌م هه‌فته‌یه‌ى خولى لالیگا ریال مه‌درید میواندارى گیرۆنا ده‌كات .
ڕۆژنامه‌ى ئه‌لمۆندۆ دیپۆرتیڤۆ بڵاوى كردووه‌ته‌وه، رۆناڵدۆ ئه‌ستێره‌ى ریال مه‌درید بۆ یاری سبه‌ى شه‌و ده‌یه‌وێت گۆل تۆمار بكات له‌گیرۆنا كه‌له‌م وه‌رزه نه‌یتوانیوه گۆل تۆمار بكات له‌گۆلپارێزه‌كه‌ى یانه كه‌ته‌لۆنیه‌كه .
رۆناڵدۆى پورتوگالى تا ئێستا نه‌یتوانیوه گۆل له‌حه‌وت یانه تۆمار بكات له‌و كاته‌وه‌ى له‌ڕیزه‌كانى ریال مه‌دریده له‌نێو ئه‌و یانانه‌دا گیرۆنا یه‌كێكه له‌وان، وه‌یانه‌كانى دیكه كه دۆن گۆلى تۆمار نه‌كردووه لێیان بریتین له‌یانه‌كانى ناپۆلى ئیتاڵى، لیگیا وارسۆى پۆله‌ندى، دینامۆ زه‌گره‌بى كرواتى - ئازولى مه‌كسیكى - سان لورینزى ئه‌رژه‌نتینى .
رۆناڵدۆ له‌م وه‌رزه‌ى لالیگا 18 گۆلى تۆمار كردووه، له پله‌ى سێیه‌مى گۆلكارانى لالیگایه، به‌جیاوازى 6 گۆل له‌دوای میسی یه‌وه دێت كه‌ناوبراو له‌پله‌ى یه‌كه‌مى گۆلكارانى خوله به 24 گۆل .
ئاماده‌كردن : شوان عه‌زیز
کۆمێنت (0)
تا ئێستا هیچ کۆمێنتێک نەکراوە.