"ڕێژنه و نایه‌ی" دوو كلیپه تازه‌كه‌ی هونه‌رمه‌ندی ناسراوی كورد " ئه‌یوب عه‌لی " ن كه سه‌رجه‌م كاره‌كانیان ته‌واو بووه ، بریاره پێش هاتنی جه‌ژنی نه‌ته‌وه‌یی نه‌ورۆز بڵاو بكرێته‌وه .
نایه‌ی ،یه‌كێك له كلیپه‌كانی ئه‌و هونه‌رمه‌نده‌یه كه خۆی تێكست و ئاوازی گۆرانییه‌كه‌ی ئاماده‌كردووه ، عارف شوكری كاری میوزیكی بۆ گۆرانییه‌كه ئه‌نجامداوه و " دلێر دلاوه‌ر " یش كاری ده‌رهێنانی بۆ ئه‌نجام داوه .
هه‌رچی كلیپی " رێژنه" یه تێكسته‌كه‌ی له لایه‌ن " ئه‌حمه‌د محه‌مه‌د " نوسراوه و ئاوازه‌كه‌شی " ئومێد جه‌مال " دایناوه ، كاری ده‌رهێنانیش له لایه‌ن " كاروان میسكی " بۆ ڤیدیۆ كلیپه‌كه كراوه .
ئه‌یوب عه‌لی خه‌ڵكی شاری سلێمانییه له ئێستادا له وڵاتی به‌ریتانیا نیشته‌جێیه ، له ساڵانی نه‌وه‌ده‌كانی سه‌ده‌ی رابردوو ده‌ستی به كاری هونه‌ری كردووه و خاوه‌نی ژماره‌یه‌ك له ڤیدیۆ كلیپ و ئه‌لبوومی گۆرانییه .
کۆمێنت (0)
تا ئێستا هیچ کۆمێنتێک نەکراوە.