بۆ نمایشكردنی كتێبه‌كانی نووسه‌ر و سیاسیه‌كانی كورد ، له شاری سنه‌ی رۆژهه‌ڵاتی كوردستان حه‌وته‌مین پێشانگای كتێب كرایه‌وه .
لێكۆله‌ر و نووسه‌ر " د.محه‌مه‌د خالید غه‌فاری " كتێبه‌كه‌ی له‌م پێشانگایه له ژێر ناوی " لێكدانه‌وه‌ی رێزمانی فارسی " نمایشكراوه ، ئاشكرایده‌كات كه هه‌ولێكی زۆری داوه تاكو به شێوه‌یه‌كی وورد رێزمانی فارسی له‌م كتێبه‌دا لێكبداته‌وه و هه‌روه‌ها باسی له ئه‌لف و بێی فارسی كردووه ، له كۆتایی كتێبه‌كه باس له نه‌زمی فارسی ده‌كات كه كاریگه‌رییه‌كی زۆری به‌سه‌ر زمانی كوردییه‌وه هه‌یه .
رۆسته‌م عه‌لیخانی نووسه‌ری كتێبی " ژنانی ناوداری كورد" له كتێبه‌كه‌ی باس له ژیاننامه‌ی ( 292) ژنی گه‌وره‌ی كورد ده‌كات كه به درێژایی مێژوو كاریگه‌ری گه‌وره‌یان له‌سه‌ر كۆمه‌ڵگه‌ی كوردی هه‌بووه .
عه‌لیخانی وتیشی كه فه‌رهه‌نگی كوردی له هه‌موو فه‌رهه‌نگه‌كانی دراوسێ زیاتر گرنگی به ئافره‌تان داوه رۆژهه‌ڵات ناسه ئه‌ورووپییه‌كان وه‌ك به‌ڵگه‌یه‌ك شتی زۆریان سه‌باره‌ت به‌م بابه‌ته نووسیوه .
جێی باسه رۆمانێكی سیاسه‌تمه‌دار و كه‌سایه‌تی ناسراوی باكووری كوردستان " سه‌ڵاحه‌ددین ده‌میرداش " له‌م پێشانگایه‌دا به‌شداره .
کۆمێنت (0)
تا ئێستا هیچ کۆمێنتێک نەکراوە.