سوپاى ئیسلام یه‌كێكه له دیارترین گروپه‌كانى ئۆپۆزسیۆنى سوریا له غوته‌ى ڕۆژهه‌ڵات ڕۆژى چوارشه‌ممه 7ى ئادارى 2018، وته‌بێژى سوپاكه نامه‌یه‌كى نوسراوى بۆ ئاژانسى ڕۆیته‌رز ناردووه و ده‌ستپێشخه‌رییه‌كى ڕوسیاى ڕه‌تكردۆته‌وه.
حه‌مزه بیرقدار وته‌بێژى سه‌ربازى سوپاى ئیسلام له نامه‌یه‌كدا بۆ ئاژانسى ڕۆیته‌رز ڕایگه‌یاند: هیچ جۆره گفتوگۆیه‌ك له باره‌ى دانوستان و كشانه‌وه بوونى نییه، و گروپه‌كانى غوته و چه‌كداره‌كان و دانشیووانه‌كه‌ى به‌رگرى له خاكه‌كه‌یان ده‌كه‌ن و ده‌ستبه‌ردارى نابن.
سوپاى روسیاى هاوپه‌یمانى به‌هێزى رژێمى ئه‌سه‌د، رۆژى سێشه‌ممه 6ى ئادارى 2018، پێشنیارى چوونه ده‌ره‌وه‌ى سه‌لامه‌تى بۆ چه‌كداره‌كانى ئۆپۆزسیۆن و خێزانه‌كانیان كردبوو له غوته‌ى ڕۆژهه‌ڵات كه نزیكه له دیمه‌شقى پایته‌خت.
غوته‌ى ڕۆژهه‌ڵات له سه‌ره‌تاى شه‌ڕى ناوخۆى سوریا كه‌وتووه‌ته ده‌سه‌ڵاتى گرووپه چه‌كداره توندڕه‌وه‌كانى ئۆپۆزسیۆنى سوریا و سوپاى رژێم و هاوپه‌یمانانى، سه‌ره‌راى سه‌دان هێرش نه‌یانتوانیوه ئه‌و ناوچه‌یه به ته‌واوى كۆنتڕۆل بكه‌نه‌وه.
هاووڵاتییانى سیڤیلى غوته به هۆى گه‌مارۆى هێزه‌كانى رژێمى سوریا و شه‌ر و ململانێى چه‌كداره‌كانى گرووپه ئۆپۆزیسیۆنه‌كان نزیكه‌ى حه‌وت ساڵه له بارودۆخێكى سه‌ختدا ده‌ژین و به‌و هۆیه‌وه‌ش تا ئیستا زیاتر له نیو ملیۆن كه‌س گیانیان له ده‌ستداوه.
ئاماده‌كردن و وه‌رگێڕانی / سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.