لە هێرشێكی تیرۆریستیدا بۆ سەر قوتابخانەیەك لە ویلایەتی یۆبی لە نێجیریا گروپی بۆكۆ حەرامی تیرۆریستی 111 ئافرەتی رفاند .
ئەو گروپە تیرۆریستییە لە تۆمارێكی ڤیدیۆییدا وێنەی ژمارەیەك ئافرەتی رفێنراوی بڵاوكردەوە كە لە شاری شیبۆك باكووری رۆژهەڵاتی نێجیریا لە نیسانی ساڵی 2014 رفێندراون ، هەندێك لەو ئافرەتانەش تا ئێستا زیندوو ماونەتەوە و هەندێكیش لە ئاكامی هێرشە ئاسمانیەكان كوژراون .
بەپێی رێكخراوەكانی بەرگری لە مافەكانی مرۆڤ , گروپی بۆكۆ حەرام زیاتر لە 2000 كەسی لە ماوەی 4 ساڵدا رفاندووە و تا ئێستا تەنها 500 كەسیان لە رفێندراوانە ئازاد كردووە .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.