به سه‌رپه‌رشتی هونه‌رمه‌ندی موزیكژه‌ن ( وشیار مه‌رجان ) له ئێستادا گۆرانیبێژی شاری هه‌ولێر " دلێر عه‌بدولقادر " ناسراو به " دلێر گه‌رمیانی " سه‌رقاڵی ئاماده‌كاری ئه‌لبوومێكی تازه‌ی گۆرانییه بۆ یاده‌كانی نه‌ورۆز و ئاداری ئه‌مساڵ .
دلێر گه‌رمیانی ئاشكرایده‌كات بۆ یاده‌كانی ئادار و نه‌ورۆز خه‌ریكی ئاماده‌كاریین بۆ به‌رهه‌مهێنانی ژماره‌یه‌ك گۆرانی كه سه‌رجه‌میان گۆرانی فۆلكلۆرن و هونه‌رمه‌ندی موزیكژه‌ن ( وشیار مه‌رجان ) كاری ئاماده‌كاری و به‌رهه‌مهێنانیان بۆ ده‌كات و هونه‌رمه‌ند ( هۆگر سه‌عید كورده ) ش كاری دابه‌شكردنی موزیك بۆ سه‌رجه‌م گۆرانییه‌كان ئه‌نجامده‌دات .
ناوبراو وتیشی بۆ ئه‌نجامدانی كاری موزیك له ئێستادا سه‌رجه‌م به‌رهه‌مه‌كان له ستۆدیۆن و له دوای ته‌واوبوونی كاری تۆماركردنی گۆرانییه‌كان به نیازه كلیپ بۆ یه‌كێك له به‌رهه‌مه‌كانی ئه‌و سیدییه تازه‌یه بكات .
جێی باسه ئه‌و گۆرانیبێژه به نیازه له گه‌ڵ هونه‌رمه‌ندی ناسراو ( میدیا حوسێن ) به‌رهه‌مێك تۆمار بكات و له ماوه‌یه‌كی نزیكدا كاری بۆ ده‌كه‌ن و بڵاویده‌كه‌نه‌وه .
کۆمێنت (0)
تا ئێستا هیچ کۆمێنتێک نەکراوە.