فیلمی سینه‌مایی زاگرۆس بۆ به‌ده‌ستهێنانی خه‌ڵات له‌دوو فێستیڤاڵی نێوده‌وڵه‌تی له هه‌ر یه‌ك له هۆڵه‌ندا و فه‌ره‌نسا به‌شداریده‌كات .
فیلمی زاگرۆس له ده‌رهێنانی " سه‌هیم عومه‌ر خه‌لیفه" له به‌شی lemilight له 47 مین خولی فێستیڤاڵی نێوده‌وله‌تی فیلمی رۆتردام له هۆڵه‌ندا به‌شدارده‌بێت ، ئه‌م فێستیڤاڵه تایبه‌ته به نمایشكردنی ئه‌و فیلمانه‌ی له فێستیڤاڵه گرنگه‌كاندا به‌شدار بونه و خه‌ڵاتیان به‌ده‌ستهێناوه .
بریاره ئه‌م فێستیڤاڵه له 24 ی كانوونی دووه‌م تاكو 4ی شوباتی ئه‌مساڵ له شاری رۆتردامی وڵاتی هۆڵه‌ندا به‌رێوه‌بچێت .
بریاره هه‌مان فیلم له‌گه‌ل 8 فیلمی دیكه له به‌شی پێشبركێدا بۆ به‌ده‌ستهێنانی خه‌لات به‌شداری له 35 مین خولی فێستیڤاڵی نێوده‌وڵه‌تی فیلمی ئه‌نۆنای له شاری ئه‌نۆنای له فه‌ره‌نسا بكات ، كه ساڵانه چالاكییه‌كانی له 2 تاكو 12 ی شوبات به‌ریوه‌ده‌چێت .
جێی باسه ئه‌م فیلمه له وڵاتی به‌لژیكا له‌گه‌ڵ 4 فیلمی دیكه‌ی ئه‌م وڵاته ده‌ستنیشانكراوه بۆ ئه‌وه‌ی وه‌ك باشترین فیلمی ساڵی 2017 هه‌ڵبژێردرێت .
کۆمێنت (0)
تا ئێستا هیچ کۆمێنتێک نەکراوە.