به‌هۆی بایكۆتی سوننه‌كان و به‌شێك له فراكسیۆنه كوردستانییه‌كان كۆبوونه‌وه‌ی ئه‌نجومه‌نی نوێنه‌رانی عێراق بۆ رۆژی دووشه‌ممه دواخرا.
وا بڕیار بوو ئه‌مرۆ 20-1-2018 ئه‌نجومه‌نی نوێنه‌رانی غعێراق پڕۆژه یاسای هه‌مواركردنی یاسای هه‌ڵبژاردنی په‌رله‌مان و واده‌ی به‌ڕێوه‌چوونی هه‌ڵبژاردنه‌كان تاووتوێ بكات، به‌هۆی بایكۆتی سوننه‌كان و به‌شێك له فراكسیۆنه كوردستانییه‌كان و هه‌روه‌ها ناڕه‌زایه‌تی له چۆنیه‌تی ده‌نگدان بۆ پڕۆژه یاساكه ، كۆبوونه‌وه‌ی په‌رله‌مانی عێراق بۆ رۆژی دووشه‌ممه دواخرا و بڕیاره له‌كۆبوونه‌وه‌ی سبه‌ی ئه‌و پرسه یه‌كلایی بكرێته‌وه.
هه‌رسێ فراكسیۆنی پارتی ، یه‌كێتی و یه‌كگرتوو هاوده‌نگ له‌گه‌ڵ سوننه‌كان كۆبوونه‌وه‌كه‌ی په‌رله‌مانیان بایكۆت كردبوو ،به‌ڵام فراكسیۆنی گۆڕان و فراكسیۆنی كۆمه‌ڵی ئیسلامی له كۆبوونه‌وه‌كه به‌شداربوون بۆ ئه‌وه‌ی ده‌نگ به پڕۆژه یاساكه بده‌ن.
کۆمێنت (0)
تا ئێستا هیچ کۆمێنتێک نەکراوە.