ئەمڕۆ یەكشەممە 7/1/2018، حاكم دڵشاد فایز، ئەندامی داواكاری گشتی لە پرێسكۆنفرانسێكدا داتاو ئامارەكانی سەرۆکایەتی داواكارى گشتی خستەڕوو و ڕایگەیاند" دەستەی وردبینی لە دۆسیەی تاوانەكانی گەورە كە لەلایەن ئەندامانی داواكاری گشتییەوە بەڕێوە دەچێت، وردبینی و ڕا و سه‌رنجیان بۆ 1179 دۆسیە كردووە، كە لەلایەن دادگاكانی تاوانەوە دەرچووە و ڕەوانەی دادگاكانی تەمیز كراون ، كە ئەو سزایانە بریتی بوون لە سزای هەتاهەتایی و لەسێدارەدان".
هاوكات حاكم دڵشاد، ئاماژەی بۆ ئەوەش كرد، دەستەی وربینی لە دۆسیەكانی تاوانی نەجەوانان، ئەو دەستەیەش دەستیان كردووە بە وردبینی و دەربڕینی ڕا و سرنجی بۆ 818 لەو بڕیارانەی كە دادگاكان دەریان چواندووە و ڕەوانەی دادگاكانی تەمیز كراون كە زۆربەی تاوانەكان جینائی بوون.
ئەو ئەندامەی سەرۆکایەتی گشتی ڕاشیگەیاند" ئاماری سەرۆكایەتیی داواكاری گشتی، دەستەی مافی گشتی، جووڵاندنی سكاڵای مافی گشتی بۆ 39 دۆسیە كراوە و هەروەها 332 نوێنەر دەستنیشان كراون لە دادگاكان بۆ بەرگریكردن لە مافی گشتی و بەدواداچوون بۆ 374 دۆسیەی دیكەش كراوە".
ناوبراو گوتیشی" ئەو كێشانەی كە یەكلا لە دادگاكان كراونەتەوە، بەگشتی2311 دۆسیە بوون، هەروەها لە دادگاكانی كەتنیش 1548 دۆسیە بووە و لە دادگاكانی باری كەسیش 6209 دۆسیە یەكلا كراونەتەوە.
کۆمێنت (0)
تا ئێستا هیچ کۆمێنتێک نەکراوە.