حەیدەر عەبادی و عەممار حەکیم بۆ چارەسەرکردنی کێشە هەڵپەسێردراوەکان لەگەڵ هەرێمی کوردستاندا جەخت لەسەر پێویستی ئەنجامدانی دیالۆگی بونیاتنەرانە دەکەنەوە.
بەپێی راگەیێندراوێکی نووسینگەی سەرۆکی هاوپەیمانی نیشتمانی، رۆژی یەکشەممە حەیدەر عەبادی، سەرۆکوەزیرانی عێراق و عەممار حەکیم، سەرۆکی هاوپەیمانی نیشتمانی (شیعەکان) کۆبوونەوە، بۆ چارەسەرکردنی کێشە هەڵپەسێردراوەکان لەگەڵ هەرێمی کوردستاندا، جەختیان لەسەر پێویستی ئەنجامدانی دیالۆگی بنیاتنەرانە لەسەر بنەمای دەستوور و یاسا کردەوە.
عه‌مار حه‌كیم له‌و دانیشتنه‌دا رایگه‌یاندوه: پێویسته كێشه‌كانی نێوان هه‌ولێرو به‌غدا له‌گفتوگۆو له‌سه‌ر بنه‌مای ده‌ستورو یاسا چاره‌سه‌ر بكرێن.
رونیشكردوه‌ته‌وه: پێویسته عیراق له‌پێناو پاراستنی مافه‌كانی هاووڵاتیان سازش بكات و پارێزه‌ری ئه‌و مافه‌یان بێت له‌هه‌ر شوێنێكی عیراقدا بن.
هەر لە کۆبوونەوەکەی هەردوولا دووپاتکراوەتەوە، لەسەر پێویستی گەڕانەوەی ئاوارەکان بۆ ناوچەکانیان و دابینکردنی پێویستی و خزمەتگوزارییەکانیان و ئەنجامدانی هەڵبژاردن لە وادەی دیاریکراوی خۆیدا و گرنگی دابینکردنی پێویستیی سەرکەوتوو بۆ پرۆسەی هەڵبژاردن.
کۆمێنت (0)
تا ئێستا هیچ کۆمێنتێک نەکراوە.