دوای ئه‌وه‌ی سه‌رله‌به‌یانی ئه‌مرۆ پۆلێك له قوتابیانی كورد به جلی كوردی و به ئاڵای كوردستانه‌وه ویستیان بچنه ناو زانكۆی كه‌ركوكه‌وه له لایه‌ن میلیشیاكانی حه‌شدی شه‌عبیه‌وه رێگریان لێكراو ده‌ستبه‌سه‌ر كران.
هۆگر به‌هادیین ئه‌ندامی مه‌كته‌بی سكرتاریه‌تی یه‌كێتی قوتابیانی كوردستان به ماڵپه‌ری ده‌زگای سه‌ته‌لایتی كوردستانی راگه‌یاند: ئه‌مرۆ بۆ یادكردنه‌وه‌ی ئاڵای كوردستان كۆمه‌ڵێك قوتابی كورد كه له 15 قوتابی پێك هاتبوون ویستیان به جلی كوردیه‌وه بڕۆنه ناو زانكۆی كه‌ركوك وه‌كو شكۆیه‌ك بۆ به‌رز راگرتنی رۆژی ئاڵای كوردستان ، به‌ڵام له لایه‌ن كۆمه‌ڵێك میلیشیای حه‌شدی شه‌عبیه‌وه دوای ئه‌وه‌ی سوكایه‌تیان پێكرا و ده‌ستگیر كران و دوای ماوه‌یه‌ك ده‌ستبه‌سه‌ربوون ئازاد كران به‌ڵام رێگه‌یان پێنه‌درا بچنه ناو زانكۆ و یادی رۆژی ئاڵا بكه‌نه‌وه .
کۆمێنت (0)
تا ئێستا هیچ کۆمێنتێک نەکراوە.