سینه‌ماكاری كورد " دانا كه‌ریم " به كورته فیلمی "دوورگه‌ی مروای " به‌شداره له فێستیڤاڵی نێوده‌وڵه‌تی (international exile film festival the 13th ) كه له شاری ( یۆتۆبۆری) ی وڵاتی سوید به‌ڕێوه‌ده‌چێت .
ده‌رهێنه‌ری ئه‌و فیلمه وتی: دوورگه‌ی مرواری باس له‌م جه‌نگاوه‌ره نه‌به‌ردانه ده‌كات كه له به‌رامبه‌ر شه‌پۆڵی چه‌ته‌كانی داعش دلێرانه وه‌ستاون و پارێزگاری له وڵات ده‌كه‌ن .
دانا وتیشی له درێژه‌ی به‌شداریكردنی له فێستیڤاڵه جیهانییه‌كاندا ئه‌م فیلمه هه‌ر له‌م مانگه‌دا له دوو فێستیڤالی نێوده‌وڵه‌تی له هه‌ردوو وڵاتی سوید وئیتاڵیا بۆ به‌ده‌ستهێنانی خه‌ڵات به‌شداره له پێشبركێكاندا .
ناوبراو ئاشكرایكرد فیلمی " دوورگه‌ی مرواری "له ساڵی 2016 به بڕه بووجه‌یه‌كی كه‌م به‌رهه‌مهاتووه و له‌میانه‌ی به‌شداریكردنی له 3 فێستیڤاڵی جیهانیدا له هه‌ر یه‌ك له وڵاتانی (روسیا ، رۆمانیا و هیندستان) خه‌ڵاتی باشتیرن فیلم و سیناریۆی به ده‌ستهێناوه .
جێی باسه ئه‌م فێستیڤاڵه له (17) ی ئه‌م مانگه ده‌ستی به‌كاره‌كانی كردووه و له (23) ی ئه‌م مانگه‌ش كۆتایی به كاره‌كانی دێت .
کۆمێنت (0)
تا ئێستا هیچ کۆمێنتێک نەکراوە.