هونه‌رمه‌ندی شاری هه‌ولێر( سه‌ركه‌وت قوربانی ) دوای ماوه‌یه‌ك له نه‌خۆشكه‌وتنی له ئێستادا ته‌ندروستی باشه‌و خه‌ریكه ده‌ست به‌كاری هونه‌ری ده‌كاته‌وه .
قوربانی به هۆی نه‌خۆشیه‌كه‌ی ماوه‌ی دوو ساڵه هیچ به‌رهه‌مێكی تازه‌ی له كلیپ و ئه‌لبومی گۆرانی بڵاو نه‌كردۆته‌وه و هه‌روه‌ها هیچ ئاهه‌نگێكیشی ئه‌نجامنه‌داوه .
له‌باره‌ی نه‌خۆشیه‌كه‌ی ( سه‌ركه‌وت) ئاشكرایكرد كه له ئێستادا ته‌ندروستی جێگیره‌و هیچ كێشه‌یه‌كی ته‌ندروستی نه‌ماوه و به‌رده‌وامیشه له وه‌رگرتنی ڕێنماییه پزیشكییه‌كان,وتیشی ژماره‌یه‌كی زۆر له دۆست و هاورێكانی داوای سازكردنی ئاهه‌نگی لێده‌كه‌ن .
سه‌ركه‌وت قوربانی خه‌ڵكی شاری هه‌ولێره‌و خاوه‌نی چه‌ندین ئه‌لبوومی گۆرانیی و ڤیدیۆ كلیپه و هه‌روه‌ها له چه‌ندین فیلم وه‌ك ئه‌كته‌ر به‌شداری كردووه .
کۆمێنت (0)
تا ئێستا هیچ کۆمێنتێک نەکراوە.