دوای 18 رۆژ برینداربوونى گه‌نجێكی كورد له دژی سووتاندنی ئاڵای كوردستان، گیانی خۆی له پێناو سه‌ربه‌خۆیی و ئاڵای كوردستان به خاك به‌خشی و چووه ریزی نه‌مرانی كاروانی سه‌ربه‌خۆیی .
سه‌رچاوه‌یه‌كی تایبه‌ت له به‌رێوه‌به‌رایه‌تی پۆلیسى خانه‌قین به ماڵپه‌ڕی ده‌زگای سه‌ته‌لایتی كوردستانی راگه‌یاند له خۆپیشاندانی 19ـی ئۆكتۆبه‌ری كوردانی خانه‌قین دژی سووتاندنی ئاڵای كوردستان له لایه‌ن حه‌شدی شه‌عبی و ملیشیا شیعه‌كان 2 گه‌نجی ئه‌م شاره بوون به قووربانی و درانه به‌ر ده‌سترێژی گولله یه‌كێك له خۆپیشانده‌ره‌كان به ناوی مه‌حه‌مه‌د نووری هه‌ر ئه‌و رۆژه به ده‌سترێژی گولله‌ی میلیشیاكان شه‌هید بوو .
هاوكات هه‌ر له‌و خۆپیشاندانه‌دا گه‌نجێكی تریش به ناوی حوسێن ئه‌حمه‌د عه‌زیز ده‌لۆیی به سه‌ختی بریندار ده‌بێت، كه به داخه‌وه دوای 18 رۆژ برینداربوونى ئه‌م گه‌نجه گیانی خۆی له پێناو سه‌ربه‌خۆیی و ئاڵای كوردستان به خاك به‌خشی و چووه ریزی نه‌مرانی كاروانی سه‌ربه‌خۆیی .
کۆمێنت (0)
تا ئێستا هیچ کۆمێنتێک نەکراوە.