هاووڵاتیانی سنووری ده‌ڤه‌ری ئامێدی هاوكارییه‌كی زۆر بۆ ئاواره‌كانی كه‌ركوك و مه‌خمور كۆده‌كه‌نه‌وه كه نیشته‌جێی شاری دهۆكن.
به‌شێكی هاووڵاتیانی دانیشتووی شاری كه‌ركوك و مه‌خمور له ترسی هێرشه‌كانی حه‌شدی شه‌عبی روویان له پارێزگای دهۆك كردووه، هاووڵاتیانی سنووری ده‌ڤه‌ری ئامێدییش كۆمه‌كێكی زۆریان بۆ هاووڵاتیانه كۆكردۆته‌وه‌و ره‌وانه‌ی پارێزگای دهۆكیان كردووه.
دوای ئه‌وه‌ی له 16ی ئۆكتۆبه‌ر میلیشیاكانی حه‌شدی شه‌عبی و هێزه‌كانی دیكه‌ی عێراق شاری كه‌ركوك و ناوچه دابرێنداروه‌كان داگیركرد.خه‌ڵكانێكی زۆری ئه‌و ناوچانه له ترسی ره‌فتاره قێزه‌ونه‌كانی حه‌شدی شه‌عبی روویان له ناوچه‌كه‌ی دیكه‌ی ژێر ده‌سه‌ڵاتی پێشمه‌رگه‌و حكومه‌تی هه‌رێمی كوردستان كرد.
کۆمێنت (0)
تا ئێستا هیچ کۆمێنتێک نەکراوە.