مه‌ولود چاوشئۆغڵو، وه‌زیری ده‌ره‌وه‌ی توركیا دوا به‌دوای كۆبوونه‌وه‌ی له‌گه‌ڵ نیكۆس كاشیاس هاوتا یۆنانییه‌كه‌ی رایگه‌یاند، تا ئێستا 995 كه‌س وه‌ك په‌نابه‌ر روویان له یۆنان كردووه، ئێمه ئاره‌زووی ئه‌وه ناكه‌ین كه یۆنان ببێته بنكه‌یه‌كی په‌نابردن بۆ كوده‌تاچیه‌كان.
روونیشیكرده‌وه كه شه‌وی هه‌وڵه كوده‌تا شكستخواردووه‌كه‌ی 15ی ته‌مووز هه‌شت سه‌ربازی توركیا به‌ره‌و یۆنان رایانكرد، به‌داخه‌وه دادگای یۆنان ئه‌و هه‌شت كه‌سه‌ی ره‌وانه نه‌كرده‌وه.
چاوشئۆغڵو ئه‌وه‌شی خسته‌ڕوو، چاوه‌ڕێ بووین یۆنان له‌ژێر رۆشنایی ده‌ستوور و یاساكانی وڵاته‌كه‌ی ئه‌و كه‌سانه‌مان راده‌ست بكاته‌وه، به‌ڵام به‌داخه‌وه ئه‌وه‌ی چاوه‌ڕێی بووین رووینه‌دا .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.