راوێژكارێكی ئاسایشی نه‌ته‌وه‌یی ئه‌مریكا رایده‌گه‌ێنێ، ئێرانییه‌كان دابه‌شبوونی ناوخۆی كورده‌كانیان له‌سه‌ر حیسابی ئاسایش و سه‌قامگیریی عێراق قۆستووه‌ته‌وه.
جه‌نه‌راڵ ئێچ ئاڕ ماكماسته‌ر، راوێژكاری ئاسایشی نه‌ته‌وه‌یی ئه‌مریكا، له دیدارێكیدا به كه‌ناڵی ئه‌لحوره‌ی راگه‌یاند: ئێرانییه‌كان دابه‌شبوونی ناوخۆی كورده‌كانیان له‌سه‌ر حیسابی ئاسایش و سه‌قامگیریی عێراق قۆستووه‌ته‌وه.
هه‌روه‌ها ده‌شڵێت: ئێران ئه‌و دابه‌شبوونه‌ی ناو حكومه‌تی هه‌رێمی كوردستان و ناو یه‌كێتی نیشتمانی كوردستانی پاش كۆچی دوایی جه‌لال تاڵه‌بانی سه‌رۆككۆماری پێشووی عێراق قۆستووه‌ته‌وه و ئێرانییه‌كان رۆڵێكی گرنگیان پاش ریفراندۆمی سه‌ربه‌خۆیی كوردستان له‌ناو حكومه‌تی هه‌رێمی كوردستان بینیووه و ئه‌و دابه‌شبوونه‌یان بۆ تێپه‌ڕاندنی به‌رژه‌وه‌ندییه‌كانی خۆیان به‌كارهێناوه.
جه‌ختیشده‌كاته‌وه و ده‌ڵێ: له هه‌ر شوێنیك كێشه هه‌بێت و له نێوان كۆمه‌ڵگاكاندا فیتنه درووست بێت و توندوتیژی په‌ره‌بسینێ و وێرانكاریی بێته كایه‌وه، ده‌ستی سوپای پاسدارانی ئێران له‌و شوێنانه ده‌بینرێت.
کۆمێنت (0)
تا ئێستا هیچ کۆمێنتێک نەکراوە.