به‌رپرسێكی پۆلیس له‌نێجیریا رایگه‌یاند، له ئاكامی هێرشێكی خۆكوژی له‌شاری مایدوجور له‌باكوری رۆژهه‌ڵاتی نێجیریا 13 كه‌س كوژرا و 5 كه‌سی دیكه‌ش بریندار بوون .
ئه‌و ناوچه‌یه كه‌مپێكی تێیدایه كه نزیكه‌ی ملیۆنێك كه‌سی تێدایه كه له‌شه‌ڕی گروپی بۆكۆحرام هه‌ڵهاتوون، كه به‌هۆیه‌وه تا ئێستا زیاتر له 20 هه‌زار كه‌س كوژراون .
تائێستا دیار نییه كه‌ی شه‌ڕو كوشتار له‌و وڵاته كۆتایی پێدێت، سه‌ره‌ڕای ئه‌وه‌ی حكومه‌ت و سوپا جه‌خت ده‌كه‌نه‌وه له‌سه‌ر ئه‌وه‌ی نزیك بوونه‌ته‌وه له شكست هێنان به گروپی بۆكۆ حه‌رام .
سوهێل تاهیر : كوردستان تیڤی
کۆمێنت (0)
تا ئێستا هیچ کۆمێنتێک نەکراوە.