بنگەهێ لالش ل ئەلمانیا په‌یامه‌كێ بۆ رایا گشتى بلاڤ كر، كو ئه‌ڤ ته‌كستا وێ یه:-
بۆ رایا گشی یا جیهانێ. گشت بالیۆزخانە و قونسلخانەیێن گشی.مرۆڤ دۆست و بەرەڤانێن مافێ مرۆڤان.
ژ دەما کو گەلێ کوردستانێ ل هەرێما کوردستانا عێراقێ ریفراندۆم ئەنجامدایى و پرۆسسا دیموکراسی ممارسە کرین کو چارەنڤێسێ خوە دیار بکن، پشتی ژ حکومەتێن عێراقێ بێ هیڤی بووین و ئیدی نە خوەستن ببن ئالیەکی شەرێ تایفی و مه‌زهەبی شیعی و سنی.
ل رۆژا 16 ئۆکتۆبەرێ ب پلانا دراوسێ ب تایبەت ئیرانێ گرۆپا درندە یا حەشدا شەعبی و ئارتێشا عێراقێ ب چەک و دبابە و راکێتێن کو وەلاتێن جیهانێ ژبۆ شەرێ داعش بکار ئانین رادەستی وان کرن، نەها مخابن ل دژی خەلکێ کوردستانێ بکار تێن و پێشمەرگەهێن قەهرەمانێن کوردستانێ ئەو چەکێن گران نینن بەرەڤانییا پێتڤی بکەت.
لەورا هیڤی یە و داخواز دکین ل گازیا خەلکێ کوردستانێ هەرن و ژ کریارێن هۆڤانە یێن حەشدا شەعبی یا هۆڤانە قورتال بکن .نەها گرۆپێن توندرەو وەک حەشدا شەعبی و عسائب ئەهل الحق ل کەرکوکێ و خانه‌قین و خورماتۆ دژی هاولاتیین سڤیل کو ژبەرکو کوردن و دەستهەلاتا وان گرۆپان رەد دکن مخابن تینە قه‌تل عام کرن و وەلاتێن جیهانێ ژی تەماشەیی ڤان کارەسەتان ناکە.
ئەم لڤر بانگا وژدانا مرۆڤاتیێ و مافێ مرۆڤاتیی و وەلاتێن زلهێز دکین كو هاریکاریا هێزا پێشمەرگە و گەلێ کوردستانێ بکن ، داکو هەمی ئاین و نەتەوه و مەزهەب ل کوردستانێ ب ئارامی بژین.
بنگەهێ لالش _ ئەلمانیا
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.