حكومه‌ته‌كه‌ی به‌غدا 55ی مادده‌ی ده‌ستووری پێشێل كردووه‌و داوا له هه‌رێمی كوردستانیش ده‌كات پابه‌ندی ده‌ستوور بێت.
سه‌عد حه‌دیسی ، وته بێژی حكوومه‌تی عێراق له لێدوانێكیدا بۆ كه‌ناڵی عێراقییه ، رایگه‌یاندووه: گفتوگۆی به‌ر له ئه‌نجامدانی ریفراندۆم و گفتوگۆی دوای ئه‌نجامدانی ریفراندۆم له یه‌كتر ناچن. حكوومه‌تی هه‌رێم به‌رله‌وه‌ی بچێته ورده‌كاریی هه‌رجۆره گفتوگۆیه‌كه‌وه، پێویسته پابه‌ندی ده‌ستوور و بنه‌ما نیشتمانییه‌كان بێت.
ده‌شڵێ: ریفراندۆم هه‌وڵه‌كانی به ئاراسته‌ی جیابوونه‌وه نیشانداوه و پێویسته حكوومه‌تی هه‌رێم بۆ دووباره‌نه‌بوونه‌وه‌ی ئه‌و هه‌وڵانه گره‌نتی بدات.
حه‌دیسی گوتیشی: مادده‌ی ١٤٣ی ده‌ستوور ده‌سه‌ڵاتی ئه‌وه‌ی داوه‌ته حكوومه‌تی ناوه‌ندیی كه هه‌ژموونی له كه‌ركووك و ناوچه جێناكۆكه‌كان هه‌بێت.
وته‌بێژه‌كه‌ی به‌غدا داوای پابه‌ندبوون به ده‌ستوور ده‌كات، به‌ڵام له بیری چووه كه به پێی ده‌ستوور ده‌بوایه كێشه‌ی كه‌ركوك و ناوچه دابڕێندراوه‌كان چاره‌سه‌ر بكرێت و یكلایی بكرێته‌وه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.