بڕیارە ئه‌مشه‌و كاتژمێر (11) هەڵبژارەی بەرازیل لەدەرەوەی یاریگای خۆی و لەیەكێك لەیارییەكانی پاڵاوتنی كیشوەری ئەمەریكای باشور بۆ گەیشتن بە مۆندیالی 2018ی روسیا، رووبەڕووی هەڵبژاردەی بۆلیڤیا ببێتەوە.
بۆ ئەو یارییە كۆتینیۆ بەشێوەی سەرەكی یاری دەكات و تیاگۆ سیلڤا و ماركینیۆسیش گەڕاونەتەوە، بەشداریكردنی ئەلێكس ساندرۆی یاریزانی لای چەپیش یەكلایی بووەتەوە.
لەهێڵی بەرگریدا بەرازیل پشت بە دانی ئەلڤێس و تیاگۆ سیلڤا و جواو میراندا و ئەلێكس ساندرۆ دەبەستێت و لەهێڵی ناوەراستیشدا ریناتۆ ئۆگۆستۆ و پاوڵینیۆ و كاسیمیرۆ یاری دەكەن.
هاوكات لەهێڵی هێرشبردنیشدا كۆتینیۆی یاریزانی لیڤەرپوڵ و نێیماری یاریزانی پاریس سان جێرمان و خیسۆسی یاریزانی مانچستەر سیتی یاری دەكەن.
هەڵبژاردەی بەرازیل لە پێشەنگی ریزبەندی هەڵبژاردەكانی كیشوەری ئەمەریكای باشوور بۆ گەیشتن بەمۆندیالی 2018ی روسیادایە و بەشێوەیەكی فەرمی گەیشتنی بەمۆندیال بەدەستهێناوە.
كوردستان تیڤی/ سامان زاهیر
کۆمێنت (0)
تا ئێستا هیچ کۆمێنتێک نەکراوە.