به مه‌به‌ستی هه‌ڵبژاردنی ئه‌نجوومه‌نی فیدراڵی بونده‌ستاگ ، ده‌نگده‌رانی ئه‌ڵمانیا روویان له بنكه‌كانی ده‌نگدان كرد.
كاتژمێر ٠٨:٠٠به كاتی ناوخۆی ئه‌ڵمانیا پڕۆسه‌ی ده‌نگدان ده‌ستیپێكرد و تا كاتژمێر ١٨:٠٠ به‌رده‌وام ده‌بێت وله ته‌واوی ئه‌ڵمانیادا، ٤٢ پارت چوونه‌ته كێبركێوه و، چوار هه‌زار و ٨٢٨ كاندید به‌شدارن.
له‌م هه‌ڵبژاردنه‌دا، ٦١ ملیۆن و ٥٠٠ هه‌زار ده‌نگده‌ر مافی ده‌نگدانیان هه‌یه و ٢٩٩ ناوچه‌ی هه‌ڵبژاردن دیاریكراوه بۆ هه‌ڵبژاردنی ٥٩٨ په‌رله‌مانتاری نوێ.
ده‌نگده‌ران له یه‌كه‌مجاردا كاندیدی په‌رله‌مانیی ناوچه‌كانی خۆیان دیاری ده‌كه‌ن و له ده‌نگدانی دووه‌مدا ده‌نگ به پارته‌كه‌یان ده‌ده‌ن. له ١٦ پارێزگادا نزیكه‌ی ٧٣ هه‌زار و ٥٠٠ سندوق هه‌یه و ٦٥٠ هه‌زار كارمه‌ندی سه‌ر سندوق دیاری كراون.
له‌ئه‌ڵمانیادا ١٧ ملیۆن كۆچبه‌ری بیانی ده‌ژین و له‌و ژماره‌یه ٥،٨ ملیۆن كه‌س مافی ده‌نگدانیان هه‌یه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.