كەشناسی: ئەمشەو و سبەی لە زۆربەی ناوچەكانی هەرێمی كوردستان باران دەبارێت

بەڕێوەبەرایەتی گشتیی كەشناسی و بوومەلەرزەزانی رایدەگەیەنێت كە ئەمشەو پێنجشەممە و سبەی هەینی، لە زۆربەی ناوچەكانی هەرێمی كوردستان باران دەبارێت.

كەشناسی رایدەگەیەنێت: پێشبینی دەکرێت لە درەنگانی ئەمشەو بارانبارین لە ناوچەکانی ئیدارەی زاخۆ و دهۆک و ناوچە شاخاوییەکان دەستپێبکات، ئەگەریش هەیە هەندێكجار هەورەتریشقەی لە گەڵدابێت.

هەروەها رایدەگەیەنێت: لە کاتەکانی بەرەبەیان تا پێش نیوەڕۆی سبەی هەینی کاریگەریی ئەم بارانە درێژ دەبێتەوە بۆ ناوچەکانی ئیدارەی سۆران و ڕاپەڕین و هەولێر، لە دوای نیوەڕۆش کاریگەرییەكەی دەگاتە سلێمانی و هەڵەبجە و بەشێک لە ناوچەکانی گەرمیان.

كەشناسی بڕی بارانبارینی 12 کاتژمێری ڕابردووی بەشێك لە ناوچەكانی هەرێمی كوردستانی بەمشێوەی خوارەوە بڵاوكردەوە:-

هەولێر دڵۆپ دڵۆپ

دهۆک 0.4 ملم

زاخۆ 1.6 ملم

بامەرنێ 1.2 ملم

کانی ماسی 0.2 ملم

خەبات 0.8 ملم