سەرۆکی دەزگای ئاسایشی نیشتمانیی عێراق پەیامێکی هاوخەمی ئاراستەی سەرۆک بارزانی دەکات و تێیدا سەرەخۆشیی خۆی بۆ کۆچی دوایی برا گەورەی بنەماڵەی بارزانی ڕادەگەیێنێت.
باسم بەدری سەرۆکی دەزگای ئاسایشی نیشتمانیی عێراق لە پەیامە هاوخەمییەكەدا بۆ سەرۆك بارزانی نووسیویەتی: بە خەم و پەژارەیەکی زۆرەوە هەواڵی کۆچی دوایی عەبدولواحید بارزانی براگەورەی بنەماڵەکەتانم پێگەیشت.
باسم بەدری لە پەیامەكەدا هەروەها نووسیویەتی: سەرەخۆشی و هاوخەمیی قووڵی خۆم ئاراستەی سەرۆک بارزانی و بنەماڵەکەی دەکەم و لە خودای گەورە داواکارم ڕۆحی کۆچکردوو بخاتە بەر سێبەری ڕەحمەتی خۆی و بە بەهەشتی بەرین شادی بکات، هەروەها سەبووری و دڵنەوایی بە بنەماڵە و کەسوکاری بدات.
عەبدولواحید ئیبراهیم شێخ عەبدولسەلام بارزانی، براگەورەی بنەماڵەی بارزانی و نەوەی ڕێبەری ئایینی و نیشتمانی، شێخ عەبدولسەلام بارزانی، ڕۆژی هەینی رابردوو رێكەوتی 4ـی ئەیلوولی 2026 بەهۆی نەخۆشییەوە کۆچی دوایی کرد.
کۆمێنت (0)
تا ئێستا هیچ کۆمێنتێک نەکراوە.