سەرۆک وەزیرانی ئیسرائیل داوای لە سوپای وڵاتەکەی کردووە بازنەی ناوچەی ئاسایش لە لوبنان فراوانتر بکەن و ناوچەی دیکەش کۆنترۆڵ بکەن.
بنیامین نەتانیاهۆ سەرۆک وەزیرانی ئیسرائیل ڕایگەیاند كە فەرمانی بە سوپای وڵاتەکەی کردووە بۆ "فراوانکردنی زیاتر"ی ناوچەی ئاسایش لە ناو خاکی لوبنان، بە مەبەستی پاراستنی سەقامگیری و ڕێگریکردن لە هەر هەڕەشەیەک بۆ سەر سنوورەکانی ئیسرائیل.
سەرۆک وەزیرانی ئیسرائیل جەختی لەوە کردەوە، ئەم بڕیارە لە چوارچێوەی هەوڵە بەردەوامەکانی سوپایە بۆ دوورخستنەوەی مەترسییەکان و دابینکردنی ئاسایش بۆ دانیشتووانی ناوچەکانی باکوور.
تا ئێستا وردەکاری زیاتر دەربارەی ڕووبەری ئەو ناوچە نوێیە و چۆنیەتی جێبەجێکردنی فەرمانەکە لەلایەن سوپای ئیسرائیلەوە بڵاونەکراوەتەوە.
کۆمێنت (0)
تا ئێستا هیچ کۆمێنتێک نەکراوە.