پارێزگاری هەولێر پیرۆزبایی ساڵیادی دامەزراندنی کوردستان تیڤی دەکات و بە کەناڵێک وەسفی دەکات کە هەمیشە خاوەن پەیامێکی ڕوون و ڕاستگۆیانە بووە.
ئومێد خۆشناو، پارێزگاری هەولێر بەبۆنەی 27ـەمین ساڵیادی دامەزراندنی کەناڵی ئاسمانیی کوردستان (کوردستان تیڤی)، پەیامێکی پیرۆزبایی بڵاوکردەوە و تێیدا ئاماژەی بەوە کردووە کە ئەو کەناڵە بووەتە جێگەی متمانەی هاووڵاتییان.
دەقی پەیامەکەی پارێزگاری هەولێر:
بەڕێزان/ بەڕێوەبەری گشتی، دەستەی کارگێڕی، کارمەند و ڕۆژنامەنووسانی دەزگای سەتەلایتی کوردستان
بەبۆنەی 27 ساڵەی دامەزراندنی کەناڵی ئاسمانیی کوردستان تیڤی، پیرۆزبایی ئاراستەی ئێوەی بەڕێز و بینەرانی کەناڵەکەتان دەکەین، بە هیواین هەمیشە لە پێشکەوتندا بن.
کوردستان تیڤی وەک یەکەمین کەناڵی ئاسمانیی کوردی لە سەرەتای دامەزراندنییەوە تاکوو ئەمڕۆ خاوەنی پەیامی ڕوون و ڕاستگۆیانەی خۆی بووە و بەرپرسانە و پیشەییانە ڕۆڵی دیاری گێڕاوە لە بەرگریکردن لە مافە ڕەواکانی گەلەکەمان و بووەتە جێگەی متمانەی هاووڵاتییان.
ئومێد دەکەین وەک هەمیشە لەپێناو خزمەتکردنی زیاتری نیشتمان و پاراستنی بەها باڵاکانی گەلەکەمان و کولتوور و هونەر و وێژە و زمانی کوردی بەردەوام و سەرکەوتوو بن.
دووبارە ئەو یادەتان پیرۆز بێت.
ئومێد خۆشناو
پارێزگاری هەولێر
کۆمێنت (0)
تا ئێستا هیچ کۆمێنتێک نەکراوە.