بڕیارە سبەی چوارشەممە ئەحمەد شەرع سەرۆك كۆماری سووریا بە سەردانێك بگاتە رووسیا و لەوێ لەگەڵ ڤلادیمیر پووتین سەرۆكی ئەو وڵاتە كۆببێتەوە.
بڕیاربوو سبەی چوارشەممە كۆبوونەوەی لووتكەی عەرەبی – رووسی لە مۆسكۆ بەڕێوەبچێت، بەڵام بەهۆی رێككەوتنی كۆتاییهێنانی شەڕی غەززە كۆبوونەوەكە دواخرابوو.
چاوەڕوان دەكرێت لە دیدارەكەی نێوان ئەحمەد شەرع و ڤلادیمیر پووتین بابەتەكانی دەستوەردانی رووسیا لە شەڕی سووریا و چارەنووسی بەشار ئەسەد سەرۆكی پێشووی سووریا لە مۆسكۆ و بنكە سەربازییەكانی رووسیا لە لازقییە و تەرتووس و چەند بابەتێكی دیكەی پەیوەست بە هەردوو وڵات، تاوتوێ بكرێت.
کۆمێنت (0)
تا ئێستا هیچ کۆمێنتێک نەکراوە.