ڕێکخراوی مافی مرۆڤی ئێران رایگەیاند کۆماری ئیسلامیی ئێران لە ساڵی 2025دا لانیکەم هەزار کەسی لە سێدارە داوە کە ئەمەش ژمارەیەکی پێوانەیییە لە 30 ساڵی رابردوودا.
بە پێی ئامارەکانی ڕێکخراوی مافی مرۆڤی ئێران کە بنکەی سەرەکییەکەی لە نەرویجە، حکوومەتی ئێران تەنیا لە ماوەی هەفتەی ڕابردوودا 64 کەسی لە سێدارە داوە. زۆربەی ئەم کەسانە بە تۆمەتی بازرگانیکردن بە مادەی هۆشبەرەوە لە سێدارە دراون.
ئەم ڕێکخراوەیە ئاماژەی بەوەش کردووە دادگاییکردنی ئەم کەسانە تەنیا چەند خولەکێکی خایاندووە و بەدەر لە ستانداردە نێودەوڵەتییەکانی دادگایەکی دادپەروەرانە بووە.
مەحموود ئەمیری موقەددەم، بەڕێوەبەری ڕێکخراوی مافی مرۆڤی ئێران، رایگەیاندووە شەپۆلی بەربڵاوی لەسێدارەدانەکان لە ئێران تاوان لە دژی مرۆڤایەتییە و داوای کردووە کۆمەڵگەی جیهانی کاردانەوەی خێرای هەبێت.
کۆمێنت (0)
تا ئێستا هیچ کۆمێنتێک نەکراوە.