سەرۆکی حکوومەتی هەرێمی کوردستان بە بۆنەی تیرۆرکرانی ئەکبەر حاجی ڕۆستەم، کەسایەتیی دیاری ناوچەی گەرمیان پرسەنامەیەکی بڵاو کردەوە و بە توندترین شێوە تیرۆرکردنی ئەو کەسایەتییەی سەرکۆنە کردووە.
ئەمرۆ سێشەممە 23ـی ئەیلوولی 2025، مەسرور بارزانی، سەرۆکوەزیرانی کوردستان لە پەیامێکی پرسەدا بۆ بنەماڵە و کەسوکاری ئەکبەر حاجی ڕۆستەم، تیرۆری ئەو کەسایەتییەی ئیدانە کردووە و جەختی کردووەتەوە دەبێت دامودەزگاکانی دەڤەرەکە بە زووترین کات لێکۆڵینەوەی پێویست بۆ دۆزینەوەی تاوانباران بکەن و ڕێکاری یاسایی بگرنە بەر.
دەقی پرسەنامەی سەرۆکی حکوومەتی هەرێمی کوردستان بۆ بنەماڵەی ئەکبەر حاجی ڕۆستەم
پرسە و سەرەخۆشی قووڵی خۆم ئاراستەی بنەماڵە و کەسوکاری بەڕێزی کەسایەتیی نیشتمانپەروەری ناسراوی گەرمیان ( ئەکبەر حاجی ڕۆستەم) دەکەم و هاوبەشی خەمیانم و بە توندترین شێوەش سەرکۆنەی تیرۆرکردنەکەی دەکەم. دەبێت دامودەزگاکانی دەڤەرەکە بە زووترین کات، لێکۆڵینەوەی پێویست بۆ دۆزینەی تاوانباران بکەن و ڕێکاری یاسایی بگرنەبەر.
خودای مەزن گیانی خوالێخۆشبوو بە بەهەشت شاد بکات و ئارامی و دڵنەواییش بە بنەماڵە و دۆست و هەڤاڵەکانی ببەخشێت.
مەسرور بارزانی
سەرۆکی حکومەتی هەرێمی کوردستان
2025/9/23
23 ئەیلوول 2025
کۆمێنت (0)
تا ئێستا هیچ کۆمێنتێک نەکراوە.