كۆشكی سەرۆكایەتی رووسیا (كریملین) ئاشكرای دەكات، سەرجەم دانوستانەكان بۆ راگرتنی جەنگ لەنێوان رووسیا و ئۆكڕاینا وەستاوە.
دیمیتری بیسكۆف گوتەبێژی كۆشكی كریملین ئەمڕۆ هەینی لە كۆنگرەیەكی رۆژنامەوانیدا گوتی: سەرجەم دانوستانەكان لەنێوان رووسیا و ئۆكڕاینا بۆ راگرتنی جەنگی نێوان هەردوو وڵات وەستاوە.
گوتیشی: لە ماوەی رابردوودا لە چەند رێگەیەكەوە دانوستان لەنێوان رووسیا و ئۆكڕاینا بەڕێوەچووبوو، بەتایبەتیش لەلایەن خودی دۆناڵد ترەمپ سەرۆكی ئەمریكا، بەڵام ئێستا سەرجەم دانووستانەكان راگیراون.
لە ناوەڕاستی مانگی رابردوو دۆناڵد ترەمپ سەرۆكی ئەمریكا و ڤلادیمیر پووتین سەرۆكی رووسیا لە شاری ئەنكۆریچ لە ویلایەتی ئالاسكای ئەمریكا كۆبوونەوە بە مەبەستی كۆتاییهێنان بە جەنگی سێ ساڵەی نێوان ئۆكڕاینا و رووسیا.
دوای تێپەڕبوونی چەند رۆژێك، سەرۆكی ئەمریكا لە كۆشكی سپی لەگەڵ ڤۆلۆدیمیر زیلینسكی سەرۆكی ئۆكڕاینا و بەشێك لە سەرۆكی وڵاتانی یەكێتی ئەوروپا كرد كۆبوونەوە بە مەبەستی راگەیاندنی ئاگربەست و كۆتاییهێنان بە جەنگ.
سەرجەم دانوستانەكان ئەنجامێكی ئەوتۆیان بەدەستەوە نەهێنا و ئێستاش جەنگ لەنێوان رووسیا و ئۆكڕاینا لە چەند بەرەیەكەوە بەردەوامە و نەوەستاوە.
کۆمێنت (0)
تا ئێستا هیچ کۆمێنتێک نەکراوە.