سکرتێری گشتیی ئاژانسی نێودەوڵەتیی وزەی ئەتۆم ڕایگەیاند هیچ نیشانەیەک لەوەی ئێران چەکی ئەتۆمیی هەبێت لەبەردەست نییە بەڵام کەمکردنەوەی هاوکارییەکانی ئەم وڵاتە لەگەڵ ئاژانس، مەترسییەکی ڕوو لە زیادبوونی بۆ سەر ئاسایشی جیهان ساز کردووە.
رافائێل گرۆسی، ڕۆژی چوارشەممە 10ی تەمووز بە ڕۆژنامەی "ژچپۆسپۆلیتا"ی پۆلۆنیای ڕاگەیاند: ئێران دەستڕاگەیشتنی پسپۆڕانی ئاژانس بە دامەزراوە ئەتۆمییەکانی خۆی کەم کردووەتەوە و ئەمەش هەڕەشەیە بۆ سەر ئاسایشی نێودەوڵەتی لەبەر ئەوەی "هەرچەندە دەستڕاگەیشتنی ئاژانس کەمتر بێت، مەترسییەکان زیاتر دەبن".
ڕۆژێک دوای شەڕی دوازدە ڕۆژەی ئێران و ئیسرائیل، پەرلەمانی ئێران بە پەسندکردنی یاسایەک حکوومەتی ئەم وڵاتەی ڕاسپارد، هەموو هاوکارییەکانی خۆی لەگەڵ ئاژانسی نێودەوڵەتیی وزەی ئەتۆمی هەڵپەسێرێت. پاش واژۆکردنی یاساکە لە لایەن سەرۆککۆمارەوە، ئەو ژمارە کەمەی چاودێرانی ئاژانسی نێودەوڵەتیی وزەی ئەتۆمییش کە لە ئێران مابوونەوە، ئەم وڵاتەیان بەجێ هێشت.
کۆمێنت (0)
تا ئێستا هیچ کۆمێنتێک نەکراوە.