دوای مانەوەی بۆ ماوەی مانگێک لە نەخۆشخانەی گێمێلی له ڕۆما به‌هۆی هه‌وكردنی سییه‌كانی و تووشبوونی به شێرپه‌نجه‌ی سییه‌كان، حكوومه‌تی ڤاتیكان رایگه‌یاند ، له‌سه‌ر قسه‌ی پزیشكانی تایبه‌تمه‌ند پاپا فرانسیس ئەمڕۆ یەکشەممە نەخۆشخانە جێدەهێڵێت.
ئه‌مڕۆ یه‌كشه‌ممه 23-3-2025 ئاژانسی هه‌واڵی (ئه‌سۆشیه‌یتید پرێس ) له زاری حكوومه‌تی ڤاتیكان بڵاویكردووه‌ته‌وه ، پاپا فرانسیس دوای وه‌رگرتنی چاره‌سه‌ری پێویست له نه‌خۆشخانه‌ی گێمێڵی له ڕۆما بۆ ماوه‌ی مانگێك له‌سه‌ر قسه‌ی پزیشكانی تایبه‌تمه‌ند بڕیار وایه ئه‌مرۆ یه‌كشه‌ممه نه‌خۆشخانه جێبهێڵت .
له ڕاگه‌یانراوه‌كه‌ی حكوومه‌تی ڤاتیكان ئه‌وه‌ش خراوه‌ته‌ڕوو . سێرجیۆ ئەلفێری كه پزیشكی تایبه‌تی چاره‌سه‌ركردنی پاپایه ڕایگه‌یاندووه ، ته‌ندروستی پاپا جێگیره به‌ڵام ته‌واو چاكنه‌بووه‌ته‌وه ، ده‌توانێت له ئیستادا نه‌خۆشخانه جێبهێڵت .
سێرجیۆ ئەلفێری ئاشكراشی كردووه ، پێویسته پاپا بۆ ماوه‌ی لایه‌نی كه‌م دوو مانگ پشوو وه‌ربگرێت و نه‌گه‌ڕێته‌وه بۆ سه‌ر كاره‌كه‌ی ، به‌ڵكو له ماڵه‌وه چاودێری بكرێت تاكو به ته‌واوی چاكده‌بێته‌وه .
دوای زانینی بڕیاری جێهێشتنی نه‌خۆشخانه ،ژماره‌یه‌كی زۆر له خۆشه‌ویستانی پاپا له‌به‌رده‌م په‌نجه‌ره‌ی نه‌خۆشخانه وه‌ستابوون بۆ ئه‌وه‌ی دڵخۆشی خۆیان به سه‌لامه‌تی پاپا ده‌رببڕن .
جێی سه‌ره‌نجه ،پاپا له ته‌مه‌نی 88 ساڵێدا له 17ی شوباتی مانگی ڕابردوو بۆ جاری سێیه‌م به‌هۆی هه‌وكردنی بۆرییه‌كانی هه‌ناسه‌ی له سییه‌كانیدا ته‌ندروستی به‌ره‌و تێكچوون ڕۆیشت و ڕاسته‌وخۆ گه‌یه‌نرایه نه‌خۆشخانه تا چاره‌سه‌ری پێویستی بۆ بكرێت .
کۆمێنت (0)
تا ئێستا هیچ کۆمێنتێک نەکراوە.