ئەمڕۆ پێنجشەممە 2025.3.13، ئومێد خۆشناو، پارێزگاری هەولێر، سەردانى کونسڵخانەى گشتی کۆماری ئیسلامی ئێران کرد و لەلایەن فەرامەرز ئەسەدی، سەرکونسڵی گشتیی کۆماری ئیسلامی ئێران لە هەولێر پێشوازیى لێکرا.
لە دیدارەکە هەریەک لە شاکر حسێن، بەرپرسی پەیوەندییەکانی نێوان هەرێمی کوردستان و کۆماری ئیسلامی ئێران، حاجی ئیبراهیم گەردی، نوێنەری ژووری بازرگانی و پیشەسازیی هەولێر ئامادە بوون، هەردوولا جەختیان لە گرنگی پتەوکردن و گەشەپێدانی زیاتری پەیوەندییە ئابووری و بازرگانی و کەلتووریەکانی نێوان هەرێمی کوردستان و کۆماری ئیسلامی ئێران کردەووە.
ئومێد خۆشناو، بەبۆنەی دەستبەکاربوونی سەرکونسڵ پیرۆزبای لە کۆنسوڵی گشتی کرد و هیوای سەرکەوتنی بۆخواست، هەروەها ئامادەی خۆی نیشاندا بۆ هەرهاوکاریەک و هەماهەنگیەک بۆ سەرخستنی کارەکانی نێوانیان.
کونسڵی گشتی کۆماری ئیسلامی ئێران، سوپاسی پارێزگاری هەولیری کرد بۆ ئەو پەیوەندی و هەماهەنگی و ئاسانکاریانەی کە پیشکەشی کونسڵخانەی وڵاتەکەیان کراوە.
دواتر تیشک خرایە سەر رێکەوتنی نێوان پارێزگای هەولێر و پارێزگای ئازرباینجانی رۆژئاوای ورمێ و هەردوولا خپشحاڵی خۆیان نیشاندا بەرامبەر بە جێبەجێکردنی تەواوی خاڵەکەنای رێککەوتننامەکە، دوای واژووکردنی زپربەی ئەو کێشەو گرفانەی لە ماوەی ساڵانی رابردوو لە هەردوو دەروازەی نێودەوڵەتی( تەمەرچن – حاجی ئۆمەران) هەبوونە کۆتاییان پێهاتووە
کۆمێنت (0)
تا ئێستا هیچ کۆمێنتێک نەکراوە.