سەرۆك بارزانی پەیامێكی سەرەخۆشی بەهۆی كۆچی دوایی خاتوو سەباح محەمەد عەلی ناسراو بە (دایكا جوان) كەسایەتی كوردپەروەر و خەباتگێری كوردستانی سووریا بڵاو كردەوە.
ئەمەی خوارەوە دەقی پەیامە سەرەخۆشییەكەی سەرۆك بارزانییە بۆ كۆچی دوایی دایكا جوان:-
بەناوی خودای مەزن و دلۆڤان
بەداخێكی زۆرەوە هەواڵی كۆچی دوایی كەسایەتیی كوردپەروەر و خەباتگێڕی كوردستانی سووریا و ئەندامی پێشووی كۆمیتەی ناوەندیی پارتی دیموكراتی كوردستان _ سووریا خاتوو (سەباح محەمەد عەلی) ناسراو بە (دایكا جوان)ـم پێ گەیشت.
پرسە و سەرەخۆشیی خۆم ئاراستەی خانەوادە و كەسوكار و ئاشنایانی خوالێخۆشبوو (دایكا جوان) و هەموو ئازادیخواز و تێكۆشەرانی كوردستانی سووریا دەكەم و خۆم بە هاوبەشی خەمیان دەزانم.
لە خودای گەورە داواكارم ڕۆحی خوالێخۆشبوو بە بەهەشتی بەرین شاد بكات و سەبر و ئارمی بە هەموو لایەك ببەخشێت.
انا للە و انا الیە راجعون
مسعود بارزانی
26ی شوباتی 2025
کۆمێنت (0)
تا ئێستا هیچ کۆمێنتێک نەکراوە.