Erbil 14°C پێنجشەممە 03 نیسان 23:02

نوێترین زانیاری لەبارەی دۆخی تەندروستی بابای ڤاتیكان

کوردستان TV
100%

ئەمڕۆ پێنجشەممە شەش رۆژ تێپەڕ دەبێت بەسەر مانەوەی پاپا فرەنسیس پاپای کەنیسەی کاسۆلیکی و سەرۆکی دەوڵەتی ڤاتیکان لە یەكێك لە نەخۆشخانەكانی رۆمای پایتەختی ئیتاڵیا، بەهۆی تووشبوونی بە هەوكردنی سییەكان و دروستبوونی كێشە لە هەناسەدانی.

ماتیۆ برۆنی گوتەبێژی دەوڵەتی ڤاتیکان سەبارەت بە تەندروستی پاپا فرەنسیس گوتی: رۆژ بەڕۆژ تەندروستی باشتر دەبێت و رێژەی هەوكردنی سییەكانی كەمتر دەبێتەوە.

راشیگەیاند: ئەمڕۆ پێنجشەممە پاپا فرەنسیس لەسەر قەروێڵەی نەخۆشخانە هەستاوەتەوە و نانی بەیانی لەسەر مێز خواردووە.

پاپا فرەنسیس كە ئێستا تەمەنی 88 ساڵە، لە ساڵی 2023 تووشی هەوكردنی سییەكان ببوو و بەردەوام لە وەرزی زستان و سەرما كێشەی هەناسەدانی بۆ دروست دەبوو.

رۆژی هەینی رابردوو بەهۆی تێكچوونی بارودۆخی تەندروستی پاپا فرەنسیس، پزیشكەكانی نەخۆشخانەی گێملی لە رۆمای پایتەختی ئیتاڵیا رێنماییان كرد بۆ ماوەی چەند رۆژێك لە نەخۆشخانە بمێنێتەوە، چونكە هەردوو سییەكانی تووشی هەوكردنێكی زۆر ببووەوە.

دوێنێ چوارشەممە جۆرجیا میلیۆنی سەرۆك وەزیرانی ئیتاڵیا وەك یەكەم كەم سەردانی پاپا فرەنسیسی كردبوو.

جۆرجیا دوای سەردانەكەی كە 20 خولەكی خایاندبوو، گوتی: ورەی پاپا فرەنسیس بەرزە و وەك رابردوو لە قسە خۆشەكانی بەردەوامە.

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.