وهزارهتی ناوخۆی حكوومهتی ههرێمی كوردستان له راگهیهنراوێكدا بڵاویكردووهتهوه، حكوومهتی ههرێم ههموو كات پێداگر و ڕژد بووه بۆ داواكردنی سهرجهم ماف و شایستهكانی مامۆستایان و فهرمانبهرانی كوردستان ، لهو پێناوهشدا پشوودرێژی زۆری نواندووه بهرامبهر به سیاستهكانی بهغدا .
ههر له راگهیاندراوهكهی وهزارهتی ناوخۆی حكوومهتی ههرێمدا هاتووه ، داواکارییە رەواکانی مامۆستایان و فەرمانبەران و چین و توێژەکانی هەرێمی کوردستان هەمیشە لە ئهجێندای لەپێشینەی حکوومەتی هەرێمی کوردستان بووه و به بایهخی زۆرهوه كاری بۆ خواست و داواكارییه ڕهواكان كردووه و بهرهو پێشچوونی باش ڕوویداوه بۆ چارهسهری كێشهكان .
هاوکات وهزارهتی ناوخۆ ئهوهشی خستووهتهڕوو، ئەوەی جێگای هەلوەستە و نیگهرانییه، کۆمەلێک کەس و لایەنی دەرەکی و ناوخۆیی لە عێراق دەیانەوێت ئەم داواکارییانە بە کاربهێنن بۆ مەبەستی گوماناویی خۆیان و شێواندنی سهقامگیری كوردستان .
دهقی ڕاگهیاندراوهكه..
راگەیێندراوێک لە وەزارەتی ناوخۆی هەرێمی کوردستانەوە
جەند رۆژێکە لە سنووری سلێمانی گردبوونەوەی ژمارەیەک فەرمانبەر بەدی دەکرێت. داواکارییە رەواکانی فەرمانبەران و چین و توێژەکانی هەرێمی کوردستان هەمیشە لە خشتەی کارە لەپێشینەکانی حکوومەتی هەرێمی کوردستاندان و لەو پێناوەش بە بەردەوامی لەگەل حکوومەتی فیدرال لە بەغدا کار بۆ بەدیهاتنیان کراوە و تا رادەیەکی باش بەرەو پێشچوون هەیە. بە هەماهەنگی لەگەل بەغدا لە هەولی چارەسەرکردنی بابەتە هەلواسراوەکانین.
ئەوەی جێگای هەلوەستەیە، کۆمەلێک کەس و لایەنی دەرەکی و ناوخۆیی لە عێراق دەیانەوێت ئەم داواکارییانە بە کاربهێنن بۆ مەبەستی گوماناویی خۆیان و هەندێک لایەنی پاشکۆ، لایەنەکانی لە یاسا دەرچوو ، پ. ک. ک. و کەسانی تر سوود لەو دەرفەتە وەردەگرن و نیازیان هەیە بۆ شێواندنی ئاسایشی ناوچەکانی تری هەرێم بەکاری بهێنن و بەمەش داواکارییە رەواکانی فەرمانبەران تێکەڵ بە مەرامەکانیان دەکەن. سەرباری رێزگرتن لە مافی خۆپیشاندان، هەر هەوڵێک بۆ تێکدانی ئاسایشی هەرێمی کوردستان رێگرییان لێدەکرێت و هەر هەولێک بەدەر لە یاسا و رێنماییەکان بێت رێگەی پێنادرێت.
کۆمێنت (0)
تا ئێستا هیچ کۆمێنتێک نەکراوە.