جامی سوپه‌ری ئه‌ڵمانی ناوه‌كه‌ی ده‌بێته‌ جامی سوپه‌ری بێكنباوه‌ڕ

ئاماده‌كردنی هه‌واڵ - كه‌مال یوسف

یه‌كێتی تۆپی پێی ئەڵمانیا ڕایگەیاند،ناوی جامی سوپەری ناوخۆیی ولاته‌كه‌یان بۆ ناوی ئەفسانە فرانز بێکنباوەر ده‌گۆرن، کە لە  مانگی ئابی 2025ەوە دەستپێدەکات.
یه‌كێتیه‌كه‌ ئاماژه‌ی بۆ ئه‌وه‌ كردووه‌ كه‌ ئەمه‌ بۆ ڕێزلێنانێکە بۆ بێکنباوەر کە لە تەمەنی 78 ساڵیدا کۆچی دوایی کرد.

کێبڕکێی ساڵانەی پاڵەوانی بۆندس لیگای ئەڵمانی و براوەی جامی ئەڵمانیا لە داهاتوودا ناودەبرێت جامی سوپەری فرانز بێکنباوەر”.

یارییەکەی جامی سوپەر لە ساڵی 1987 تا 1996 لەلایەن یەکێتی تۆپی پێی ئەڵمانیاوە ڕێکخرابوو، پێش ئەوەی خولەکە لە ساڵی 2010 دەست بەسەر ڕێکخستنەکەیدا بگرێت.

بڕیارە لە 16ی ئابی 2025 جامی سوپەری فرانز بێکنباوەر بۆ وەرزی 2025-2026 بەڕێوەبچێت.

ئەفسانەی تۆپی پێی ئەڵمانی بێکنباوەر 5 جار وەک یاریزان (1969، 1972، 1973، 1974، 1980) نازناوی خولی ئەڵمانیای بەدەستهێنا و 4 جار (1966، 1969، 1969 و 1971) نازناوی جامی ئەڵمانیای بەدەستهێنا.