ئاژانسی ھەواڵیی "سانا" ی سووریا بڵاوی کردەوە کە فڕۆکە جەنگییەکانی ئیسرائیل، سێ پرد و دەروازەیەکی سنوورییان لە ناوچەی قەسیر سەربە پارێزگای حومس بۆردومان کردووە.
ئاژانسەکە لە سەرچاوەیەکی سەربازی بڵاویکردووەتەوە کە فڕۆکە جەنگییەکانی ئیسرائیل لە ئاراستەی خاکی لوبنانەوە، ھێرشیان کردووەتە سەر سووریا.
سەرچاوەکە ئاماژەی بەوەشداوە لە میانی ھێرشەکەدا، سێ پرد و دەروازەیەکی سنووریی لە ناوچەی قەسیر سەربە پارێزگای حومس کە ھاوسنوورە لەگەڵ لوبنان، لەلایەن فڕۆکە جەنگییەکانی ئیسرائیلەوە بۆردومان کراون.
ڕاشیگەیاندووە کە لە ئاکامی بۆردومانەکەدا، دوو کەس برینداربوون، ھەروەھا زیانی ماددیش بەر پردەکان و دەروازە سنوورییەکە کەوتوون.
ھاوکات سوپای ئیسرائیل لە ڕاگەیاندراوێکدا بانگەشەی ئەوەی کردووە، فڕۆکە جەنگییەکانیان ژمارەیەک میحورەیان لە سەر سنووری سووریا لەگەڵ لوبنان بۆردومان کردووە کە لەلایەن حزبوڵڵاوەوە بۆ گواستنەوەی چەک بەکار دەھێنران.
کۆمێنت (0)
تا ئێستا هیچ کۆمێنتێک نەکراوە.