وەزارەتی ناوخۆی عێراق بڕیاری دا بردن و بەكارهێنانی مۆبایل لە شوێنی دەوام لە ئەفسەر و كارمەندانی هێزەكانی ناوخۆ قەدەغە بكات.
بڕیارەكە دوێنێ یەكشەممە لەلایەن عەبدولئەمیر شەمەری وەزیری ناوخۆی عێراق واژۆ كراوە و تێیدا هاتووە كە ئەفسەران تا پلەی رائید و سەرجەم كارمەندانی هێزەكانی ئاسایشی ناوخۆ نابێت مۆبایل ببەنە شوێنی دەوام و لە كاتی ئەركدا بەكاری بهێنن.
هەروەها هاتووە هەر ئەفسەر و كارمەندێك پێچەوانەی بڕیارەكە بكات رووبەڕووی سزا دەبێتەوە و بۆ ماوەی 30 رۆژ دەستگیر دەكرێت، لە كاتی دووباركردنەوەش رەوانەی دادگای هێزەكانی ناوخۆ دەكرێت.
وێنە: دەقی نووسراوەكەی وەزارەتی ناوخۆی عێراق:-
کۆمێنت (0)
تا ئێستا هیچ کۆمێنتێک نەکراوە.